QTU mbështet Qendrën Kombëtare Terapeutike dhe Rehabilituese për Fëmijë

Këtë të mërkurë morëm pjesë në ceremoninë e inaugurimit të qendrës së rehabilitimit pranë Qendrës Kombëtare Terapeutike dhe Rehabilituese të Fëmijëve. Jemi shumë të kënaqur të kemi bashkëpunim me Qendrën Kombëtare Terapeutike dhe Rehabilituese për Fëmijë, duke kontribuar me ekspertizën tonë në projekte sociale, pajisje dhe teknologji.

Qendra Kombëtare Terapeutike dhe Rehabilituese është një institucion mjekësor që adreson nevojat e fëmijëve në të gjithë vendin. Është qendra kryesore e rehabilitimit për fëmijët në Shqipëri dhe si e tillë përmbush një rol koordinues për 12 qendrat rajonale. Shërbimet e këtij institucioni ofrohen nëpërmjet aktiviteteve klinike, sociale dhe rehabilituese në fushën e shëndetit mendor, të realizuara nëpërmjet ekzaminimit klinik dhe ndërhyrjes së specializuar të trajtimit rehabilitues.

Në kuadër të projekteve sociale të QTU-së, ne kemi dhuruar disa pajisje teknologjike, të cilët shërbejnë për transmetimin e materialeve të veçanta didaktike për fëmijët e trajtuar atje dhe familjet e tyre. Ndërsa ne ndihmojmë fëmijët me kujdes të përmirësuar të shëndetit mendor, familjet e tyre mund të përfitojnë gjithashtu nga materiale të veçanta didaktike për mbështetje emocionale.

Shpresojmë që mbështetja e ofruar nga QTU të kontribuojë në shërimin dhe rehabilitimin në kohë të fëmijëve të trajtuar në Qendrën Kombëtare Terapeutike dhe Rehabilituese të Fëmijëve.

QTU do të jetë gjithmonë e gatshme për të mbështetur nevojat e shoqërisë dhe anëtarëve të saj.